Aaj ka hamara topic hai Volume Analysis, jo ki bahut important topic hai aur iski help se aap market ke kisi bhi structure ko solve kar sakte hain. Hum Volume Analysis seekhenge, lekin usse pehle yeh jaana bahut zaroori hai ki aakhir Volume kya hota hai.
Holding Volume
Jab hum trading karte hain to hamara main focus hota hai holding volume, kyunki jitni zyada holding volume hogi, market usi direction me flow karegi. Hum holding volume candle ki body se pata kar sakte hain — jitni badi candle ki body, utna zyada holding volume. Candle ki wick kuch nahi hai, wo sirf dikhati hai ki humne kharida aur turant bech diya.
Isi wajah se hum candle ki wicks ko fake zone kehte hain.
Agar mere paas ek aisi candle banti hai jisme neeche ki wick bahut badi hai aur body ekdum chhoti, to main uspe jyada trust nahi karunga. Lekin agar ek aisi candle banti hai jisme body bahut badi hai aur wick chhoti ya na ke barabar hai, to wo trust create karti hai, kyunki holding volume zyada hota hai aur logon ne wahan apni trades hold kar ke rakhi hoti hain.
NEEDED VOLUME
Needed Volume market ka wo area hota hai jo market ignore karke jaati hai fir baad me us area ko ek IFC Candle se fill karti hai.
Needed Volume Concept
Maan lijiye market ek downtrend mein hai.
- Market ek High banati hai, fir neeche girti hai.
- Uske baad jab market wapas upar jaati hai, to woh pichle high ko break nahi karti.
- Phir se market neeche girne lagti hai.
Ab yahan do important points milte hain:
- Pichla High (jahan se pehle girawat start hui thi)
- Current Candle ki Body Closing (jahan se latest reversal hua)
In dono points ke beech ke gap ko hum “NEEDED VOLUME” kehte hain.
📌 Needed Volume ka Matlab Kya Hai?
Yeh gap batata hai ki market ke buyers ya sellers ko kitni volume aur strength chahiye hogi us zone ko todne ke liye.
- Agar market is gap ko cross nahi kar paata (volume ke saath), to yeh confirm hota hai ki buyers abhi weak hain.
- Agar kabhi future me market is gap ko strong volume ke saath todta hai, to samajh jao ki reversal ya breakout confirmed hai.
95% cases me yea gap IFC Candle ke saath fill jarur hoti hai.