Dosto, aaj se hum Range Analysis padhenge. Yeh analysis time se related hoti hai — yani market ke ek structure ko banne mein kitna samay lag raha hai, aur kitne der baad hume dubara supply ya demand zone milega. Isse hume yeh bhi samajhne mein madad milti hai ki breakout kab ho sakta hai ya consolidation zone kab tak chalega.
Agar aapne pichhle topics dhyan se nahi padhe hain, to ho sakta hai is concept ko samajhne aur use karne mein thodi dikkat ho. Lekin main koshish karunga ki aapko sab kuch ekdum easy aur clear way mein samjhaun.
Market mein hum duration ke hisaab se analysis karte hain taaki hum andaza laga sakein ki aage market kis direction mein aur kis tareeke se move karegi. Hume kabhi 100% pata nahi hota ki momentum kab aayega, breakout hoga ya breakdown, ya market consolidate karti rahegi.
Is analysis ke liye hum TradingView ka ek powerful tool use karte hain jise GANN BOX kehte hain. Yeh tool hume time aur price dono ke beech ka relation samajhne mein madad karta hai, jisse hum predict kar sakein ki market kab react karegi.
GANN BOX
Maine GANN BOX ko apne tareekse se banaya hua hai like maine sirf 0.5 point ko chor sab off kar diya hai, issme mujhe yea pata chalta hai ki market 50% par aai ya nahi.
Is photo me agar dekhe to pehla wala Gann Boxx ko hi upar lagaya gaya hai lekin same time me utni demand nahi aane ke karan market neeche gir hai hai.
Time Analysis bhi Supply-Demand ke jaise hi kaam karta hai.
Jaise hum Volume Analysis me dekhte hain — agar Supply HALF ho jaati hai, to Demand DOUBLE ho jaati hai. Isi principle ka use hum har analysis zone me karte hain, chahe wo price action ho ya time-based analysis.
Ab maan lijiye, agar kisi point par Supply DOUBLE ho jaati hai, to aage jaake Demand HALF ho jayegi. Yeh ek natural balancing mechanism hai jo market har baar follow karta hai — aur isi se hume future ke reversal zones samajh aate hain.
Supply-Demand Time Symmetry (Concept)
- Jab Supply HALF hoti hai → Demand DOUBLE hoti hai
➤ Iska matlab: pehle jo Demand thi, wo khud HALF thi. - Jab Supply DOUBLE ho jaati hai → Demand HALF ho jaayegi
➤ Iska matlab: aane wale samay me price wapas balance banane ke liye react karega.
Maan lete hai mere paas ek Single Supply aai hai 1 hour me. Uske baad mere paas dubara demand aai, fir Supply aai, to maine dekha tha previous supply meri aai thi usse double supply aa gai hai, it means ki mere supply ko complete hone me 1-2Hr lagna chahiyea. Lekin agar market ne jyada time le liya to iska matlab hai meri supply ab weak ho gai hai. Ab Supply weak ho gai to aur neeche nahi jayegi market.
Agar market ne 2hr ke jagha 3 ya 4 hours le liyea to yea weak ho gai hai and market slow slow aa rahi hai and slow market create karti hai Bending. Supply double hokar bhi trend kamjor ho jata hai aise.
COLD SQUEEZE
Ab hum baat karte hai cold squeeze ke baare me, yea wo area hota hai jiska istem intezar karne ke liyea kiya jata hai, aur saath me is area ko kavi bhi volume me add nahi kiya jata hai. Isko hum volume analysis me use nahi karte hai, jab bhi volume analysis kare is part ko ignore kiya jata hai.
Ye bahot kam bante hai aap keh sakte hai bahot rare hote hai. Maan lete hai ek uptrend ke baad ek chota sa consolidation aaya aur fir market upar jaati hai then PENNANT banti hai, aur is case me jo bhi supply ya demand aapko measure karna hoga uske liyea hum kya karte hai, jo uptrend ka demand tha use copy karke laga dete hai, hum cold squeeze ka move nahi lete hai, ise hum ignore karte hai.
Yea har jagha istem banta hai, parallel channel ke saath bhi same Concept use hota hai.
