Aaj ka hamara topic hai Candle Wick Lines. Isko aasan shabdo mein samjhe toh, candle ke neeche ya upar banne wali lines ko humein kaise samajhna hai aur inko market mein kaise upyog karna hai?
Maan lijiye hamare paas ek green hammer candle hai, jiske upar aur neeche dono taraf wick bana hua hai. Doosra, hamare paas ek green inverted hammer hai, jiske neeche aur upar dono taraf wicks hain. Saath hi, ek spinning top bhi bana hua hai, jisme dono taraf wicks hain.
Ab samajhte hain ki inmein sabse important kya hai. Candle mein jo wicks banti hain, wo ek pressure ko dikhati hain. Green candle ke upar wali wick mein bearish pressure hota hai, aur neeche wali wick mein bullish pressure hota hai.
- GREEN CANDLE : UPPER WICK ➡️ BEARISH PRESSURE | LOWER WICK ➡️ BULLISH PRESSURE
- RED CANDLE : UPPER WICK ➡️ BEARISH PRESSURE | LOWER WICK ➡️ BULLISH PRESSURE
SPINNING TOP ke paas bearish aur bullish pressure equal hota hai, isi karan yeah dual directional hota hai. Jis side ka wick fill ho jata hai market usi side move karne lagti hai.
Candle Volume
Ab market me hum ek hi candle ka istemal karke market ki direction ko pata nahi kar sakte, isike karan hum candle ki volume dekhte hai.
BEARISH SIDE
Maan lijiye hamare paas ek bearish trend ban raha hai, aur jaise-jaise market neeche aa rahi hai, neeche se wick badi hoti ja rahi hai. Aakhir mein, jab trend neeche tak aajata hai, to candle ki body bahut chhoti ho jaati hai aur wick kaafi badi ho jaati hai. Isse humein yeh samajh aata hai ki neeche se market mein pressure ban raha hai.
Jab yeh pressure badhte-badhte apna support par pahunchta hai, to humein ek aisi candle dikhti hai jisme sabse zyada buying pressure hota hai.
Baad mein, neeche wali wick ka jo pressure hai, wo agli candle mein transfer ho jaata hai (jaise humne candle roots mein padha hai), aur market ek badi green candle bana deti hai. Is tarah humein ek Bullish Engulfing pattern dekhne ko milta hai.
Note: Market ka apne support ya resistance par hona jaruri hai, waha acche se kaam karta hai.
IMPORTANT : Jab market neeche aa rahi hai to aaj se aap candle ki body na dekh kar aap wicks dekhe ki kis side ki wicks badi ho rahi hai isse aapko market me reversal pata kar sakte hai.
BULL SIDE
Maan lijiye hamare paas ek BULLISH trend ban raha hai, aur jaise-jaise market UPAR Jaa rahi hai, upar se wick badi hoti ja rahi hai. Aakhir mein, jab trend upar tak aajata hai, to candle ki body bahut chhoti ho jaati hai aur wick kaafi badi ho jaati hai. Isse humein yeh samajh aata hai ki upar side se market mein pressure ban raha hai.
Jab yeh pressure badhte-badhte apna resistance par pahunchta hai, to humein ek aisi candle dikhti hai jisme sabse zyada selling pressure hota hai.
Baad mein, upar wali wick ka jo pressure hai, wo agli candle mein transfer ho jaata hai (jaise humne candle roots mein padha hai), aur market ek badi red candle bana deti hai. Is tarah humein ek Bearish Engulfing pattern dekhne ko milta hai aur market neeche jaane lagti hai.
Negative Pressure
Maan lijiye hamare paas ek downtrend hai. Market hume upar se selling pressure dikh rahi hai, lekin neeche ki taraf wicks nahi ban rahi hain. Humne notice kiya ki market ke top ke aaspaas ek bahut badi wick bani thi, jo strong selling pressure ko indicate karti hai.
Jaise-jaise trend neeche aata hai, candles ke upar wicks chhoti hone lagti hain, aur kabhi-kabhi to kisi candle me wick dikhayi bhi nahi deti. Fir achanak se ek do candles me wicks phir se dikhne lagti hain. Is movement se hume samajh aata hai ki trend dheere-dheere kamzor ho raha hai.
Aise hi, jab market apne bottom ke paas pahuchti hai, to neeche side wicks dikhna start hoti hain, jo buying pressure ka signal deti hain. Aur fir market wahan se reversal leke upar bhaag sakti hai.
Simple shabdon me kahe to, agar candles me neeche side pressure nahi dikh raha, to hume upar wali wicks pe focus karna chahiye. Jab wicks aur body dono chhoti hone lagen, to yeh ek clear sign hota hai ki trend weak ho raha hai aur market me reversal aane ke chances badh gaye hain.